APARATO EXCRETOR
Coñécese co nome de excreción ao proceso mediante o cal o noso corpo elimina as substancias tóxicas que producen a actividade celular.
As nosas células producen substancias de refugallo continuamente, como o dióxido de carbono ou a urea, que pasan ao sangue. Como estas substancias son tóxicas, o noso organismo debe desfacerse delas. O dióxido de carbono elimínase polos pulmóns. Sen embargo, a maioría das substancias tóxicas, como a urea, son eliminadas polos riles, que son os nosos principais órganos excretores. O aparato excretor ou urinario consta das seguintes partes: - Riles:órganos encargados de limpar o sangue de substancias de refugallo. - Uréteres: conductos que conectan os riles coa vexiga. - Vexiga da urina: órgano oco que serve para acumular a urina. As súas paredes musculares poden dilatarse a medida que se enche. Na súa parte inferior ten un orificio controlado por un esfínter, que se abre e se pecha de xeito voluntario para deixar saír a urina. - Uretra: tubo que conduce a urina desde a vexiga cara o exterior durante a micción. |